Tuesday, August 30, 2011

මුහුද....


ඒයි මුහුද මේ බලනවා
මං ඔහේ ඉස්සරහා හිටගෙන ඉන්නවා
ඔය දියරැල්ලක් තරම්වත් පලල නෑ මම
පේනවද ඔහේගේ දරදඩු සිතිවිලි වල සැරට
ම‍ගේ සමබරතාවය බිදෙන හැටි..
ඒයි මං ඔහේටයි කතා කරන්නේ
කිව්වේ බිදින්නයි කියලා
මට ඇහුම්කන් නොදී සිටිනා 
සන්සුන් ඉරියව්ව...

මරන්න හිතෙන අමරණිය මල.....


 දිගම දිග
ලිපියක්  යැව්වෙමි.
එහි බැනුම් ද ඇත.
ගෙරවුම්ද ඇත.
ආදරය ද ඇත.
සෙනෙහසද කැව්වෙමි.

පිලිතුරු වශයෙන් ඊටත් වඩා 
බැනුම් ඇති
ගෙරවුම් ඇති
ආදරය ඇති
ඉරිසියාව ඇති
සෙනෙහසින් තෙත් වූ ලිපියක්
ඇවැසිව තිබුණි...

පින්න වැටෙන පාන්දරක
හැරෙන තැපෑලෙන්
ඔහු
මලක් එවා තිබුණි...


පාට තදය
පෙති මදිය
පරවෙන්නේද නැත
සුවද බලන්නට 
බැරිය.
ඒ මදිවාට ඒ මල ඩිජිටල්ය.